اكتئاب الشتاء !

بدأ برد الرياض القارص .. وعلى بالنا ان المربعانية جت ,, ولكن يبدو ان هذا ما  يعتبر شيء عند اللي بيجي ,, لأني قريت ان البرد القارص بقي عليه اسبوعين تقريباً

 ” أجل وش نسمي هالجليد اللي احنا حاسين فيه هالأيام

لا .. وكل ما اشتد البرد .. قلة الإنتاجية ( عند البعض)

المهم .. تذكرت ما يسمى ” باكتئاب الشتاء” عافانا الله واياكم .. واللي يبصيب بعض الناس وخصوصا في الدول الغربية والإستكندنافية اللي تغيب عنهم الشمس لأيام متوالية وبعدها تضيق صدورهم ويحسون باكتئاب !!.. ويقال ان علاج هذا الاكتئاب هو بالتعرض لأشعة الشمس ” ودكم من يعطيهم من شمس الرياض ايام القايلة”  وشرب القهوة والإكثار من الكافيين ..

وطبعا الاكتئاب هذا يجي نتيجة للإكثار من النوم والأكل وقلة الحركة والسلوك اللي تخلي الواحد خااااااااامل طول الوقت وما يتحرك حتى ما وده يلتفت  للي يناديه ..

وهذا من أكبر الأسباب اللي تخلي الواحد قليل الانتاج  حاس بطفش وكاره للدنيا

مثل ما قلت فيه طرق كثيرة تجنبك من هالخمول والطفش ومنها عمل اي شي حتى لو كان غير مهم .. المهم انك تتحرك وتروح وتجي .. ولو تمسك جهازك وتكتب اي شي يخطر ببالك بكذا تكون عملت جهد ذهني وبدني في نفس الوقت   .. أو ترتيب مكتبة الكتب لو كان عندك .. وتصنيفها

وايضا الرياضه .. شرب القهوة والمنبهات  مع عدم الإفراط فيه

التعرض  للإضاءة القوية لمدة 6 ساعات يومياً واللي يسمونه ” العلاج بالضوء”

واكثر شي يجيب الخمول  ” والغباء” خصوصا للصغار الجلوس طويلا امام شاشة التلفاز ..  

وفقتم